2024 жылдың 12 сәуірінде Денисов тарихи-өлкетану музейінің қызметкерлері әлемге әйгілі геолог, ғалым, КСРО Ғылым Академиясының академигі, кеңестік металлогения ғылымының негізін қалаушылардың бірі, қазақстандық металлогения мектебінің негізін қалаушы Қаныш Имантайұлы Сәтбаевтың 125 жылдығына арналған «Қазақ жерінің көрнекті геологы» танымдық бағдарламасын өткізді. Оған әлемдегі ең ірі үш кен орнының бірі-әйгілі Ұлытау – Жезқазған мыс кені кен орнының ашылуы тиесілі. Қаныш Сәтбаевтың еңбегінің арқасында Қазақстанның бүгінгі инновациялық және ғылыми әлеуетінің іргетасы қаланды.

Қ. Сәтбаев 1946 жылы құрылған Ұлттық Ғылым академиясын құрудың бастамашысы болды, бұл ретте ол Қазақ КСР Ғылым Академиясының тұңғыш президенті болды. Сіңірген еңбегі үшін бірқатар мемлекеттік наградалар мен атақтармен марапатталды.

Музей қызметкерлері балаларды біздің көрнекті геолог-ғалым Қ.И. Сәтбаевтың өмірімен, қызметімен және еңбектерімен таныстырды, сондай-ақ балалар Қ. И. Сәтбаевтың Қостанай өнеркәсіптік-экономикалық ауданының дамуына қосқан үлесі туралы, 1949 және 1960 ж. Қостанай облысына барғаны туралы білді.  Қаныш Сәтбаевтың Қазақстан жер қойнауын игеруге қосқан үлесі туралы бейнефильм көрсетілді.

         Іс-шара соңында балалар танымдық ойынға белсенді қатысып, ғалым Қ.И. Сәтбаевтың өмірі мен қызметі туралы сұрақтарға жауап берді.

Материалдар мұражай сайтында және әлеуметтік желілерде орналастырылған.

Instagram: denisov_muzeyi, https://vk.com/museum.denisovka    https://ok.ru/museum.denisovka