Жеңіс күнінің 80 жылдығы қарсаңында және Кеңес Одағының Батыры Әлия Молдағұлованың туғанына 100 жыл толуына орай Денисов тарихи - өлкетану музейінің қызметкерлері № 2 Денисов жалпы білім беретін мектебінің 5-сынып оқушыларына «Әлия - қазақ халқының батыр қызы»  атты ерлік сабағын өткізді.

Аталған іс-шараның мақсаты-балаларымызды қазақ халқының батыры Әлия Молдағұлованың өмірімен таныстыру. Оның ерлігі-жас ұрпақ үшін үлгі. Батылдық сабағы кезінде көрсетілген фильмнен балалар аңызға айналған қыз, Кеңес Одағының Батыры Әлия Молдағұлованың өмірі мен ерлігі туралы білді.

Әлия Нұрмұхамбетқызы Молдағұлова (1925-1944) — қазақстандық мерген қыз, Кеңес Одағының Батыры. Ұлы Отан соғысы кезінде 2-ші Балтық майданының 22-ші армиясының 54-ші атқыштар бригадасында қызмет етті. Қызмет барысында жаудың 78 сарбазы мен офицерін жойды. Әлия небәрі 18 жыл өмір сүрді, бірақ оның батылдығы мен ерлігі соншалық, ол қазақ халқының әскери ерлігінің бейнесі болды.

Әлия Молдағұлованың есімі мәңгілік халық жадында сақталады.  Қазақстандағы және Ресейдегі көшелер мен мектептер оның есімімен аталады, осы елдерде мемориалдық музейлер бар, ол туралы деректі және көркем фильмдер түсіріліп, ескерткіштер орнатылды, Жеңіс күніне Роза Рымбаеваның «Әлия» әні әрқашан керемет шырқалады.