Наметов Иосиф-Жусуп Наметович

(1917-1983)

Денисов ауданы Жамантай ауылында (Свердлов атындағы Подгорный кенті, № 2 бөлімшесінде) дүниеге келген. Педагогикалық училищені бітірген. 1939 жылы ЖШҚА қатарына шақырылды. Ұлы Отан соғысының алғашқы күндерінен бастап ауыр қорғаныс шайқастарына қатысты. Солардың бірінде тұтқынға алынды. 1942 жылы шілдеде Наметов Польша территориясындағы әскери тұтқындар лагерінен қашып, фашистер басып алған Брест облысына кіріп, В. И. Шаруда партизандық тобына қосылды. 1942 жылы қыркүйекте топ құрамында Гомель облысына келді. Алдымен «Фашизмге өлім» отрядының құрамында, содан кейін Железняк атындағы аты аңызға айналған партизан отрядында командирдің орынбасары болды. Меңдіқара, Қостанай, Обаған аудандарының аудандық атқару комитеттерінің төрағасы болып жұмыс істеді. 1954 – 1967 жылдары «Москалевский» совхозының директоры, кейін Арқалық ауданы «Родина» совхозының директоры болып ауыстырылды. «Құрмет Белгісі» орденімен, Қызыл Жұлдыз орденімен, медальдармен марапатталған. Қостанай ауданы Заречный кентіндегі көше Наметовтың есімімен аталды.