Қазақ КСР Қостанай облысы Орджоникидзе (Денисов) ауданы «Тобыл» асыл тұқымды совхозының аға малшысы, Социалистік Еңбек Ері Гасевский Сергей Семеновичтің туғанына 90 жыл.
   Сергей Семенович 1931 жылы 12 маусымда Сумы облысы Белополян ауданы Глушец ауылында дүниеге келген.
1950-1954 жылдары әскер қатарында болды. Комсомолдық жолдама бойынша запасқа шығарылғаннан кейін тыңға жіберілді, зейнеткерлікке шыққанға дейін «Тобольский» асыл тұқымды совхозының (Глебовка ауылы) мал фермасында еңбек етті.
   КСРО президенті М.С. Горбачевтің «Қазақ КСР агроөнеркәсіптік кешенінің қызметкерлеріне Социалистік Еңбек Ері атағын беру туралы» 1990 жылғы 6 маусымдағы № 227 Жарлығымен «қарқынды технологиялар мен еңбекті ұйымдастырудың озық әдістерін қолдану негізінде мал шаруашылығы өнімдерін өндіру мен мемлекетке сатуды ұлғайтуда аса көрнекті нәтижелерге қол жеткізгені үшін» Ленин ордені және «Орақ пен Балға» алтын медалі тапсырыла отырып, Социалистік Еңбек Ері атағына ие болды.
1992 жылы 18 Желтоқсанда қайғылы қаза тапты. Глебовка ауылында жерленген.

   Материалдар мұражай сайтында және әлеуметтік желілерде орналастырылған:

   Instagram: museum_denisovka, http://www.museum.denisovka.kz/