18 мамыр күні күнтізбеде барлық континенттерде, планетаның барлық қалалары мен ауылдарында мәдениет пен тарихи есте сақтаудың ерекше орталықтары — мұражайлар атап өтілетін мереке ретінде белгіленген.

         Денисовкада тарихи-өлкетану мұражайы орналасқан ғимаратта қазір күрделі жөндеу жұмыстары жүргізілуде. Осы уақытта қызметкерлер экспонаттармен бірге аудандық мәдениет үйіне көшті. Осы қонақжай қабырғаларда Халықаралық мұражайлар күніне және «Рухани жаңғыру» бағдарламасының бес жылдығына арналған «Ұлы Дала мұражайларының қазынасы» атты интерактивті іс-шара өтті.

         Мәдениет үйі фойесінің кеңістігі 6 көрме аймағына бөлінді: «Рухани жаңғыру», «Түркі мәдениеті», «Алтын адам» және «Аң стилі», «Ұлы Даланың ұлы адамдары», «Қазақстанның киелі географиясы» және «Ұлы Дала металлургиясы», квест-аймағы.

         Келушілер ежелгі рундарды сызумен айналысты, Алтын адамның костюмінің егжей-тегжейін сипаттаумен айналысты, археологиялық қобдишадан экспонаттарды қуана-қуана алды, ғалымдар, жазушылар, композиторлар, батырлар мен хандар туралы білімдерін «Своя игра» электрондық викторинасында тексерді. Сондай - ақ, жоғары сынып оқушылары «Рухани жаңғыру-ұлт болашағы» өлкетану квестінің барлық тапсырмаларын сәтті орындады.

         Мереке қонақтары Денисовка ауылының тұрғындары, оқушылар, мұғалімдер болды. Музейдегі интерактивті бағдарламаға белсенді қатысқаны үшін Антоновка негізгі мектебінің ұжымына, сондай-ақ № 2 Денисов орта мектебінің тарих пәні мұғалімдері Әлия Пауль, Наталья Балабайға және олардың тәрбиеленушілеріне алғысымызды білдіреміз.

         Материалдар мұражай сайтында және әлеуметтік желілерде орналастырылған.

Instagram: museum_denisovka, Ок: https://ok.ru/museum.denisovka

ВК: http://www.museum.denisovka.kz/