2022 жылғы 5 тамызда аты аңызға айналған шабуылшы ұшқыш, Қазақстан авиациясының генерал-майоры, екі мәрте Кеңес Одағының Батыры Талғат Бегелдиновтың туғанына 100 жыл толуына орай Денисов тарихи-өлкетану мұражайы «Екі мәрте Кеңес Одағының Батыры Талғат Бегелдинов» атты ақпараттық постер шығарды.

Мұражайымыздың қорында «Екі мәрте Кеңес Одағының Батыры Бегелдинов Талғат Якубекұлы» атаулы медалі бар. Медаль Жеңістің 70 жылдығына орай Қазақстан генералдар кеңесінің бастамасымен, Ресейдің Отан батырларының естелігін мәңгі сақтау қорының қолдауымен шығарылды. Қор алғашқы екі мәрте Кеңес Одағының Батыры Сергей Иванович Грицевцтің есімімен аталады.

Атаулы медальда Талғат Бегелдинов марапаттарымен әскери киімінде бейнеленген. Марапаттар арасында Кеңес Одағы Батырының екі алтын жұлдызы ерекше көзге түседі. Артқы жағында ИЛ-2 шабуылдаушы ұшағы бейнеленген.

Денисов ауданының Құрметті азаматы, генерал-майор Наиль Молдахметұлы Ғалымжанов атаулы медалімен алғашқылардың бірі болып марапатталды. Ол медальді куәлігімен бірге Денисов атындағы тарихи-өлкетану мұражайына сыйға тартты.

Соның арқасында Кеңес Одағының Батыры Талғат Бегелдиновтың өмірі мен ерліктері туралы лекцияларды мұражай қызметкерлері қызықты көрмесімен толықтыру мүмкіндігіне ие болды.

Материалдар мұражай сайтында және әлеуметтік желілерде орналастырылған.

Instagram: museum_denisovka, Ок: https://ok.ru/museum.denisovka  ВК: http://www.museum.denisovka.kz