Усатов Михаил Андреевич - 1919 жылы 20 мамырда Қостанай облысы Орджоникидзе ауданының Искра ауылында дүниеге келген. 5-8 сынып аралығында Денисов мектебінде оқыды, содан кейін Қостанайда оқуын жалғастырды. 1939 жылы Қарулы Күштер қатарына шақырылды. Қызыл Ту Балтық флотында теңізші қызметін атқарды. 1940 жылдың күзінде ол әуе-десанттық бригаданың арнайы жасағына жіберілді.  Ұлы Отан соғысының бірінші күнінен бастап ұрыс қимылдарына қатысып, Сталинградта, Орел-Курск доғасында, Беларуссияда, Польшада және Германияда соғысқан.

Соғыстан кейін Әскери академияны үздік бітіріп, Балтық және Қызыл Ту Солтүстік флотында, Мәскеудегі Мемлекеттік Қауіпсіздік Комитетінің Орталық басқармаларында қызмет етті. Ұлы Отан соғысы жылдарында жауынгерлік тапсырмаларды сәтті орындағаны үшін Кеңес Одағының 9 орденімен, социалистік елдердің 4 орденімен, 30 медальмен марапатталған.

1973 жылы М. А. Усатовқа «Вице-адмирал» атағы берілді.

Материалдар мұражай сайтында және әлеуметтік желілерде орналастырылған.

Instagram: denisov_muzeyi, https://vk.com/museum.denisovka  https://ok.ru/museum.denisovka