2024 жылдың 8 тамызында аудандық кітапхананың оқу залында Денисов ауданының Құрметті азаматы, Қазақстан Республикасы полиция генерал-майоры Наиль Молдахметович Галимжановпен кездесу өтті. Кездесуді Денисов тарихи-өлкетану мұражайы мен орталық аудандық кітапхана ұйымдастырды. Қызықты әңгімелесушімен кездесуге Денисов ауданының ІІБ ардагерлері мен жеке құрамы, аудандық прокуратура мен Ардагерлер кеңесінің өкілдері, мәдениет қызметкерлері мен аудан жастары келді. Бұл кездесу Қазақстан Республикасының көрнекті қайраткерлері, Ұлы Отан соғысының қатысушылары Ахмет Тұмарбекұлы Тұмарбеков пен Сағадат Қожахметұлы Нұрмағамбетовтың туғанынан 100 жыл толуына арналды. Наиль Молдахметович еліміздің екі тамаша майдангерлер – милиция генерал-майоры, 22 жыл Қазақ КСР Ішкі істер министрінің орынбасары – Ахмет Тұмарбекұлы Тұмарбеков пен аңызға айналған Кеңес Одағының Батыры, Халық Қаһарманы, Егемен Қазақстан армиясының бірінші Қорғаныс министрі және бірінші генералы Сағадат Қожахметұлы Нұрмағамбетов туралы айтып берді. Бұл көрнекті адамдардың басты өмірлік ұраны «Құрмет. Ар-ұждан. Адамгершілік. Әділдік» болды.

Қонақтар көрнекті ерлеріміз туралы бейнефильмдерді қызығушылықпен тамашалады, олар қазір де жастарға үлгі болып отыр. Іс-шарада «Қаһарман-майдангер - Қазақстан Республикасының бірінші Қорғаныс министрі» атты жылжымалы музей көрмесі көрсетілді, онда генерал С.Нұрмағамбетов туралы жерлесіміз Н. М. Галимжанов берілген қызықты фотоқұжаттық материал ұсынылды. Кездесу бейресми, достық жағдайда өтті, жастар барлық қойылған сұрақтарға жауап алды. Жас ұрпақ біздің құрметті жерлесіміздің өмірбаяны, оның отбасы, балалық шағы, табысқа жету жолы, Галимжановтар отбасы үйінің тарихына қызығушылық танытты. Наиль Молдахметұлы барлығына зор денсаулық, ал жастарға Отанымыз – Қазақстан өркендеуіне бағытталған күш пен қуат тіледі.

Материалдар мұражай сайтында және әлеуметтік желілерде орналастырылған.

Instagram: denisov_muzeyi, https://vk.com/museum.denisovka     https://ok.ru/museum.denisovka