2024 жылғы 13 қарашада Денисов тарихи-өлкетану музейінің қызметкерлері №1 Денисов жалпы білім беретін мектебінің 10 «А» сынып оқушыларына әйгілі жерлес, ақын, жазушы, драматург және публицист Бейімбет Жармағамбетұлы Майлиннің (1894-1938), 130 жылдығына орай «Бейімбет Майлин: жазушының алтын мұрасы» атты дәріс өткізді. Бейімбет Майлиннің шығармашылық мұрасы ерекше орын алады, өйткені ол қазақ әдебиеті тарихында із қалдырды. Ол көптеген жанрларда жұмыс істей алды және әрқайсысында жетістікке жетті.  Іс – шара барысында музей қызметкерлері балаларды Бейімбет Майлиннің өмірі мен шығармашылығымен таныстырып, «Майлин-туған өлкенің әншісі» көрмесімен таныстырды.