30 маусым күні «Солнечный» балалар сауықтыру лагерінде Қазақстан Республикасының Астана күнін мерекелеуге арналған «Астана Ажары» атты мерекелік іс-шара өтті.

Балалар біздің әсем астанамыздың қалыптасу тарихымен танысып, оның сәулеті мен мәдени маңызы туралы көптеген қызықты деректерді білді. Мерекелік атмосфера патриотизм мен қуанышқа толы болды. Іс шараның соңында интеллектуалды викторина өткізіліп, оның жеңімпаздары мен ең зейінді қатысушылары сыйлықтарға ие болды. Іс-шараға орай «Менің Астанам» экспресс-көрмесі ұйымдастырылды.

Баршаңызды Қазақстан Республикасының Астана күнімен құттықтаймыз және барлығымызға амандық пен жаңа табыстар тілейміз!